2009 jyly eldegi ekonomıkalyq ósim 1,1 paıyzdy, ónerkásip 1,7 paıyzdy qurady - Memleket basshysy
ASTANA. Qańtardyń 29-y. QazAqparat /Aıdar Ospanálıev/ - 2009 jyly eldegi ekonomıkalyq ósim 1,1 paıyzdy, ónerkásip 1,7 paıyzdy qurady.
Bul týraly búgin Elbasy Nursultan Nazarbaev óz Joldaýynda málim etti, dep habarlaıdy QazAqparat.
Bizdiń ótken jyly atqarylýy tıis máselelerdiń barlyǵyn jedel túrde júzege asyra aldyq. Biz retsessııaǵa jol bergen joqpyz. Uly Nerý: «Kim jedel qımyldaı bilse, sonyń isi sátti bolady» degen. Biz batyl qımyldadyq», dedi Memleket basshysy. Sondaı-aq ol Ulttyq qordyń halyqaralyq deńgeıdegi jalpy rezervteriniń búginde 50 mlrd. dollardan asyp, sońǵy 10 jylda onyń ósimi 25 esege kóbeıgendigin atap kórsetti.
«Barshaǵa málim, biz ótken jyly daǵdarysqa baılanysty qordyń qarjysyn biraz shyǵyndadyq. Al búgingi kúni qordyń qarjysy ótken jyldyń jeltoqsan aıyndaǵydan kóp. Biz osyǵan deıingi múmkindikterimizdi qalpyna keltirdik. Ulttyq qordyń múmkindigin paıdalana otyryp biz tek daǵdarysty eńserip qana qoımaı, kezinde satýǵa májbúr bolǵan memlekettiń aktıvterin de qaıtara aldyq», dedi Prezıdent.
