2009 jyly árbir 1 myńynshy qazaqstandyqqa 154 jeńil avtokólikten keldi - Statıstıka agenttigi
ASTANA. Maýsymnyń 29-y. QazAqparat - 2009 jyly árbir 1 myń qazaqstandyqqa shaqqanda 154 jeńil avtokólikten keldi.
Bul týraly QR Statıstıka agenttiginen málimdedi.
QR Іshki ister mınıstrliginiń usynǵan málimetterine sáıkes, ótken jyly Qazaqstannyń jeńil avtomobılder parkinde 2,6 mln. birlik kólik quraly tirkelse, halyqtyń qoldanysyndaǵy kólikterdiń sany 2,5 mıllıondy qurady. Bul 2008 jylǵa qaraǵanda 1,7 paıyzǵa kóp.
2009 jyly halyqtyń jańa avtomobılderge degen satyp alýshylyq suranysy onyń aldyńǵy jylmen salystyrǵanda áldeqaıda tómendegeni baıqaldy. Jańa avtomobılderdiń satylýy - 51,8, al ustalǵan kólikter 4,5 paıyzǵa tómendedi (satylǵan avtomobılder sany tıisinshe 28 myń dana jáne 18 myń danany qurady).
Sońǵy úsh jyl boıy respýblıkanyń avtomobılder naryǵy ózge elderdiń ımporty esebinen qurylyp keledi. 2009 jyly jeńil avtomobılder resýrstarynyń jalpy kóleminiń 98,9 paıyz ımporttyń úlesinde (2008 jyly - 97,9%, 2007 jyly - 98,4%).
Otandyq bir kásiporynnyń óndiris kólemi ázirshe halyq tutynysyn qamtamasyz ete almaı otyr. Importty avtomobılderdiń negizgi jetkizýshileri Germanııa (jeńil avtomobılder ımportynyń jalpy kóleminiń 41 paıyzy), Japonııa (32,9), AQSh (9,9) jáne Koreıa Respýblıkasy (3,2) bolyp tabylady.
