2009 jylǵy Ulttyq halyq sanaǵynyń tolyq qorytyndysy taıaý kúnderi jarııalanady - Á. Smaıylov
ASTANA. 8 qarasha. QazAqparat /Rýslan Ǵabbasov/ - 2009 jylǵy 25 aqpan men 6 naýryz aralyǵynda júrgizilgen Ulttyq halyq sanaǵynyń tolyq qorytyndysy taıaý kúnderi jarııalanbaq.
Bul týraly búgin Qazaqstannyń memlekettik statıstıkasynyń 90 jyldyǵyna arnalǵan halyqaralyq ǵylymı-tájirıbelik konferentsııasy barysyndaǵy brıfıngte QR Statıstıka agenttiginiń tóraǵasy Álıhan Smaıylov málim etti.
«Qazirgi kezde halyq sanaǵy qorytyndysyn shyǵarý boıynsha jumysty biz tájirıbe júzinde aıaqtadyq. Ózderińizge málim, qysqasha qorytyndyny biz aqpan aıynda shyǵarǵan bolatynbyz. Atap aıtqanda, taıaý kúnderi biz qalǵan qorytyndy nátıjelerin jarııalaıtyn bolamyz»,- dedi agenttik basshysy.
Bul sharalarǵa qosymsha qarjy jumsalmaǵanyna toqtalǵan Á. Smaıylov, atalǵan qorytyndyny shyǵarý jumystary bıyl bólingen 59 mln. teńge aıasynda atqarylǵanyn jetkizdi. Osy oraıda ol barlyq málimetter qamtylǵan halyq sanaǵynyń qorytyndysy Statıstıka agenttiginiń saıtynda jarııalanatyndyǵyn aıtyp ótti.
