2009 jylǵy ónimnen 5,9 mıllıon tonna astyq eskporttaldy -AShM
ASTANA. Sáýirdiń 20-sy. QazAqparat /Rýslan Ǵabbasov/ - 2009 jylǵy ónimnen 5,9 mıllıon tonna astyq eskporttaldy.
Bul týraly búgin Úkimet otyrysynda Aýyl sharýashylyǵy mınıstri Aqylbek Kúrishbaev málim etti, dep habarlaıdy QazAqparat.
Astyq eskportyn jandandyrý máselesine toqtalǵan mınıstr, ótken jyldyń sońynda qabyldanǵan yntalandyrý sharalary astyq eksportyn eleýli túrdi kóbeıtkenin jetkizdi.
«Sonyń nátıjesinde sáýirdiń 10-daǵy jaǵdaı boıynsha 2009 jylǵy ónimnen 5,9 mıllıon tonna astyq eskporttaldy», - dedi A. Kúrishbaev.
«Bul jerde aıta ketetin jaǵdaı, byltyrǵy marketıngtik jylmen salystyratyn bolsaq, 12 aıdyń ishinde tek qana 6,1 mıllıon tonnany eksportqa shyǵarǵanbyz», - dedi ol. Vedomstvo basshysynyń sózine qaraǵanda, byltyrǵy rekordtyq ónim turǵysynan qaraǵanda, ol jetkiliksiz. Oǵan qosymsha, astyqqa degen álemdik baǵanyń túsýine baılanysty eksporttyq qarqyn aıtarlyqtaı tómendedi. Osy máseleni sheshý maqsatynda jýyq arada Úkimette astyq eksportyn yntalandyrýdyń qosymsha sharalary qabyldandy.
«Qara teńiz jáne Baltyq teńizi, sondaı-aq Qytaı men onyń aýmaǵy arqyly tranzıttik baǵyttarmen eksportqa shyǵaratyn astyqtyń tonnasyna beriletin sýbsıdııa mólsheri 20 AQSh dollarynan 40 dollarǵa deıin kóterildi», - dedi mınıstr.
Belgili bolǵanyndaı, búginde Qazaqstanda eksportqa negizdelgen 6 mıllıon tonnadan astam astyq bar.
