2009 jylǵy qarashada Qazaqstandaǵy jumyssyzdyq deńgeıi 6,5 paıyzdy qurady

 dep habarlaıdy QazAqparat QR Statıstıka agenttigine silteme jasap.

«2009 jylǵy qarashada jumyssyzdar sany, baǵalaý boıynsha, 548,5 myń adamdy,  jumyssyzdyq deńgeıi 6,5 paıyzdy qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2009 jylǵy qarashanyń sońyna 79,7 myń adam resmı tirkelgen. Jumyssyzdar retinde tirkelgenderdiń úlesi ekonomıkalyq turǵydan belsendi halyqtyń 0,9 paıyzyn qurady, bul ótken jylǵy uqsas kórsetkishpen salystyrǵanda 0,2 paıyzdyq tarmaqqa kóp», delingen Statıstıka agenttiginiń búgin taratqan habarlamasynda.

Agenttiktiń málimetinshe, respýblıka ekonomıkasynda 2009 jylǵy qarashada (baǵalaý boıynsha) 7,9 mln. adam  jumyspen qamtyldy. Ótken jylǵy uqsas kezeńge qaraǵanda olardyń sany 15,7 myń adamǵa nemese 0,2 paıyzǵa kóbeıdi. Jaldamaly qyzmetkerlerdiń sany atalǵan kezeńde 5,2 mln. adamdy qurady. 2009 jylǵy qarashada baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,7 paıyzyn qurady.