2009 jyldyń jeltoqsanyna qaraǵanda bıylǵy jylǵy tamyz aıynda ınflıatsııa deńgeıi 4,6 paıyzdy qurady
/em>Qyrkúıektiń 27-si. QazAqparat /Rýslan Ǵabbasov/ - 2009 jyldyń jeltoqsanyna qaraǵanda bıylǵy jyldyń tamyz aıynda ınflıatsııa deńgeıi 4,6 paıyzdy qurady. Bul kórsetkish ótken jyldyń osy kezeńine qaraǵanda 0,3 paıyzǵa joǵary.
Bul týraly búgin on-laın rejıminde ótip jatqan Úkimet otyrysynda Ekonomıkalyq damý jáne saýda mınıstri Janar Aıtjanova málim etti.
«Ótken jyly osy kezeńde ınflıatsııa deńgeıi 4,3 paıyzdy qurady», dep atap ótti mınıstr. Atap aıtqanda, elimizdiń óńirleriniń kórsetkishteri boıynsha 2009 jyldyń jeltoqsanyna qaraǵanda 2010 jyldyń tamyz aıynda ortasha respýblıkalyq ınflıatsııa deńgeıinen asyp otyrǵan kórsetkish Pavlodar, Ońtústik Qazaqstan oblystarynda qalyptasqan (5,1 paıyzdan), sondaı-aq ınflıatsııanyń joǵary deńgeıi Shyǵys Qazaqstan, Aqmola, Jambyl, Soltústik Qazaqstan oblystarynda jáne Almaty qalasynda qalyptasty.
