2009 jyldyń on bir aıynda 69,6 mln. tonna munaı jáne gaz kondensaty óndirildi - Statıstıka agenttigi
ASTANA. Jeltoqsannyń 9-y. QazAqparat /Ernur Aqanbaı/ - Elimizde 2009 jyldyń qańtar-qarasha aılarynda 69,6 mln. tonna munaı jáne gaz kondensaty óndirildi. Bul ótken jyldyń tıisti kezeńimen salystyrǵanda 8 paıyzǵa artyq,
dep habarlaıdy QazAqparat QR Statıstıka agenttigine silteme jasap.
Agenttiktiń málimeti boıynsha, on bir aıda respýblıkamyzda 32,3 mlrd. tekshe metr gaz óndirilgen. Bul ótken jyldyń sáıkes kezeńimen salystyrǵanda 9 paıyzǵa kóp. Tutastaı alǵanda qarashada ónerkásip óndirisiniń kólemi 0,7 paıyzdy quraǵan.
Atap óterligi, aǵymdaǵy jyldyń on bir aıynda munaı, gaz kondensatyn, tabıǵı gaz, ýran kenin, koksty, munaı ónimderin jáne ıadrolyq materıaldardy óndirý ósti. Respýblıkamyzdyń 5 óńirinde óndiristiń ósýi tirkelgen. Al Mańǵystaý oblysynda óndiristiń kólemi ótken jyldyń deńgeıine sáıkes. Sonymen bir mezgilde, hımııa ónerkásibindegi, mashına jasaýdaǵy, qurylys materıaldaryndaǵy, tústi jáne qara metallýrgııa ónimderindegi jáne elektr energııasyndaǵy óndiris tómendegen. Óndiris kóleminiń azaıýy respýblıkanyń 10 óńirinde baıqalyp otyr.
