2009 jyldyń qorytyndysy boıynsha Qarjy mınıstrligi sybaılas jemqorlyq ındeksinde 31 memorgannyń ishinde 17-shi orynda tur

Al jemqorlyqqa qarsy kúresý ındeksi boıynsha vedomstvo 14-shi orynda, dep habarlady mınıstrliktiń baspasóz qyzmetinen.

«Qalyptasqan jaǵdaıdy túzetý úshin, sózsiz pármendi sharalar qabyldaý kerek. Onyń ústine, sybaılas jemqorlyqtyń ındeksin anyqtaıtyn kórsetkishterdiń biri boıynsha dálirek aıtqanda, jasalǵan jemqorlyq qylmystar boıynsha, Qarjy mınıstrligi ekinshi oryndy tur», dep atap kórsetilgen vedomstvo taratqan málimdemede.

Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti búgingi tańda Qarjy mınıstrliginiń 47 qyzmetkerine 108 qylmys boıynsha qylmystyq is qozǵalý faktisin tirkep otyr. Qalaı bolǵanda da, bul kóńil alańdatatyn kórsetkish, delingen vedomstvonyń baspasóz baıanynda.

Qarjy polıtsııasy, Bas prokýratýra, Esep komıteti, Qarjy mınıstrligi, Memlekettik qyzmet isteri agenttigi jáne Aqparattandyrý jáne baılanys agenttigi sııaqty alty memlekettik organnyń birlesken buıryǵymen 2007 jyldyń qarasha aıynda Memlekettik organdardaǵy sybaılas jemqorlyq deńgeıiniń reıtıngin esepteý jónindegi nusqaýlyq bekitilgen bolatyn.