2009 jyldyń 10 aıynda Qaraǵandy oblysynda temirjolda 40-qa jýyq apatty oqıǵaǵa jol berildi - Kóliktik baqylaý komıteti
QARAǴANDY. Jeltoqsannyń 7-si. QazAqparat /Valentına Elızarova/ - 2009 jyldyń 10 aıynda Qaraǵandy oblysynda temirjol kólikterinde 38 apatty oqıǵa oryn aldy.
Kólik jáne kommýnıkatsııalar mınıstrligi Kóliktik baqylaý komıtetiniń tóraǵasy Ádilet Barmenqulov aımaqtyń kólik ınfraqurylymyn damytý máselesine arnalyp Qaraǵandy oblystyq ákimdiginde ótken keńeste osyndaı málimet keltirdi.
Komıtet jetekshisiniń pikirinshe, jyldan jylǵa qaıtalanyp kele jatqan apattardyń basty sebebi - temirjol kásiporyndarynyń ákimshilik tarapynan álsiz baqylanýy. «Tasymaldaý úderisiniń táýelsiz kommertsııalyq qatysýshylarynyń qyzmeti kóbine qozǵalys qaýipsizdigine shyǵyn keltirip jatady. Atap aıtqanda, aǵymdaǵy jyly Qaraǵandy oblysynda joǵarǵy qurylymdarynyń qanaǵattanarlyqsyz jaǵdaılaryna baılanysty, alty kásiporynǵa ótkel joldaryn paıdalanýǵa tyıym salyndy», - dep atap kórsetti A.Barmenqulov.
Kóliktik baqylaý komıtetiniń málimetteri boıynsha, 2009 jyldyń 10 aıynda Qaraǵandy oblysynda júrgizilgen tekserýlerdiń barysynda 63 temirjol kásipornynda qozǵalys qaýipsizdigi erejelerin buzýdyń 1700-den astam fakti anyqtaldy.
Temirjoldaǵy baqylaýdy kúsheıtý maqsatynda, keńeste qaýipsizdik máseleleri boıynsha qadaǵalaý organdarynyń basyn biriktiretin jumys tobyn qurýǵa kelisim jasaldy.
