2009 jyldan beri adam urlyǵynyń 900-ge jýyq faktisi tirkeldi - Qasymov

ASTANA. QazAqparat - 2009 jyldan beri adam saýdasynyń 202 faktisi tirkeldi. Bul týraly búgin QR Prezıdenti janyndaǵy Adam quqyqtary jónindegi komıssııanyń keńeıtilgen otyrysynda QR Іshki ister mınıstri Qalmuhanbet Qasymov málim etti, dep habarlaıdy QazAqparat.

Komıssııa músheleri Qazaqstannyń Birikken Ulttar Uıymynyń Barlyq adamdardy kúshtep joq qylyp jiberýden qorǵaýǵa arnalǵan halyqaralyq  konventsııasyna qosylýy kez kelgen adamnyń quqyqtary men bostandyqtaryn qorǵaýdyń kepili ekenin atap ótti. 2016 jyldyń naýryzynda BUU Komıtetiniń onynshy sessııasynda Qazaqstan delegatsııasy konventsııanyń qatysýshysy retinde mindettemelerdi oryndaý barysy jaıynda birinshi ulttyq baıandamany qorǵady.

Qalmuhanbet Qasymovtyń aıtýynsha, konventsııa ratıfıkatsııalanǵan 2009 jyldan bastap adamdardy urlaǵany úshin qylmystyq jaýapqa 456 adam tartyldy. Belgili bolǵandaı, segiz jyldyń ishinde 888 adam urlaý faktisi tirkelgen, onyń ishinde sońǵy 3 jylda osyndaı 239 oqıǵa oryn aldy.

Taratylǵan málimetterge qaraǵanda, azamattardyń bostandyqtaryn zańsyz aıyrǵany úshin 827 adam jaýapqa tartyldy, osy oraıda 2009 jyldan beri 1643 adamdy bostandyǵynan zańsyz aıyrýdyń faktisi tirkeldi.

Sonymen qatar adam saýdasy máselesine toqtalǵan mınıstr, «osy qylmysty jasaǵany úshin 15 jylǵa deıin bas bostandyǵynan aıyrý jazasy eskerilgen. Konventsııany ratıfıkatsııalaǵannan beri adam saýdasynyń 202 faktisi anyqtaldy. Qylmystyq jaýapkershilikke 123 adam tartyldy. Adam saýdasyna qarsy is-qımyl maqsatynda QR ІІM tarapy ózge de quqyq qorǵaý jáne arnaıy organdarmen birlese tıisti keshendi sharalardy iske asyrýda»,-dedi.