2009-2010 jyldary jastar tájirıbesine bólingen 3,2 mlrd. teńge qarjy tolyǵymen ıgerildi

Bul týraly búgin Úkimet otyrysynda Eńbek jáne halyqty áleýmettik qorǵaý mınıstri Gúlshara Ábdihalyqova málim etti.

Onyń atap ótýinshe, "Jol kartasy" baǵdarlamasy jastardy jastar tájirıbesimen qamtýdy 2008 jylmen salystyrǵanda 20 ese kóbeıtýge múmkindik bergen. «Bul baǵyt boıynsha kásiporyndar men uıymdarda jumys oryndary quryldy. Olarda 90 myńnan astam jas túlek oqý ornynda alǵan mamandyǵy boıynsha kásibı tájirıbe jınaqtap, memlekettik bıýdjet qarajaty esebinen jalaqy aldy. Jastar tájirıbesin aıaqtaǵannan keıin jumys berýshiler 19 myńnan astam jas mamanǵa óz kompanııalarynda turaqty jumys oryndaryn usyndy»,-dedi mınıstr.

Gúlshara Ábdihalyqovanyń atap ótýinshe, Statıstıka agenttiginiń derekterine sáıkes jastar arasyndaǵy jumyssyzdyq deńgeıi eldegi jalpy jumyssyzdyq deńgeıinen 0,6 paıyzdyq tarmaqqa tómen bolyp otyr. «2009-2010 jyldary jastar tájirıbesine bólingen qarajat tolyǵymen, ıaǵnı 3,2 mlrd. teńge ıgerildi»,-dedi G. Ábdihalyqova.