2008 jyly Qazaqstanda sottalǵan Germanııanyń azamatshasy óz eliniń aýmaǵynda jazasyn óteıtin boldy - QR Bas prokýratýrasy
ASTANA. 21 maýsym. QazAqparat - Búgin Qazaqstan sotynyń úkimimen 2008 jyly sottalǵan Germanııa azamatshasy Elena Fıtererdi ári qaraı óz elinde jazasyn óteýi úshin berý rásimi boldy, dep habarlaıdy QR Bas prokýratýrasynyń baspasóz qyzmeti.
Qazaqstan Bas prokýratýrasy men Germanııanyń quzyrly organdary arasyndaǵy osyndaı kelisimge halyqaralyq quqyqta áreket etetin ózara aýystyrý qaǵıdasy negizinde qol jetkizildi.
Germandyq tarap Vıýrtsbýrg qalasy jergilikti sotynyń Taldyqorǵan qalalyq sotynyń úkimin oryndaý týraly sheshimin kepildik retinde usyndy. Sol sheshimde qazaqstandyq sot úkimi qaıta qaralmaıtyny jáne úkim boıynsha óndirilýi tıis shyǵyndy sottalýshynyń tolyǵymen ótegeni kórsetilgen.
Osyny negizge ala otyryp, Bas prokýratýra ulttyq zańnamalarǵa sáıkes, jazasyn ári qaraı óz elinde óteýi úshin sottalýshyny berý týraly sheshim qabyldady.
