2008 jyldan beri turǵyndardan 1,7 mlrd teńgege qarý-jaraq satyp alyndy
NUR-SULTAN. QazAqparat – 2008 jyldan beri turǵyndardan 1,7 mlrd teńgege qarý-jaraq satyp alyndy. Bul týraly QR ІІM Ákimshilik polıtsııa komıtetiniń bólim bastyǵy Asylbek Ydyrysov aıtty, dep habarlaıdy QazAqparat tilshisi.
«Іshki ister mınıstrligi halyqtan zańsyz saqtalǵan qarý-jaraqtardy satyp alý boıynsha respýblıkalyq aktsııalardy únemi júrgizedi. 2008 jyldan bastap osyndaı 10 is-shara júrgizdi. Bul aktsııalar respýblıkalyq bıýdjetten qarjylandyrylady. Osyndaı aktsııalarda ótemdi túrde 53 myńnan astam birlik atys qarýy jáne 2 mln astam oıyq qarýdyń patrondary erikti túrde tapsyrylǵan. Jalpy sommasy shamamen 1,7 mlrd teńge qarý-jaraq zattary satyp alyndy.
Onyń atap ótýinshe, bul sharalar eldegi krımınogendik ahýalǵa oń septigin tıgizgen.
«Tek sońǵy 5 jylda qarý-jaraqpen jasalǵan qylmystardyń sany jartysynan astamǵa, 2015 jyly 488-den 2020 jyly 224-ge deıin azaıdy. Zańsyz saqtalǵan qarý-jaraq zattardy erikti túrde ótemdi tapsyrýǵa nıet bildirgen azamattar qylmystyq jáne ákimshilik jaýapkershilikten bosatylatynyn aıta ketý qajet», - dedi Asylbek Ydyrysov.
