2008-2015 jyldar aralyǵynda bir jasqa deıingi balanyń kútimine tólenetin járdemaqy 4,6 esege artty

ASTANA. QazAqparat - 2008-2015 jyldar aralyǵynda Memlekettik áleýmettik saqtandyrý qorynan (MÁSQ) bir jasqa deıingi balanyń kútimine baılanysty kirisinen aıyrylǵan azamattarǵa tólenetin járdemaqy kólemi 4,6 esege ulǵaıyp, 13 mlrd. 349 mıllıonnan 61 mlrd.703 mıllıon teńgege ósti.
None
None

«Júktilik pen bosaný, jańa týǵan náresteni asyrap alýǵa baılanysty kirisinen aıyrylǵan jaǵdaıda azamattarǵa tólenetin áleýmettik járdemaqy 2005 jyldan bastap 3,5 esege ósip, 50 mlrd. 972 mln. teńgeni qurady (2005 jyly 14 mlrd. 660 mln. boldy). 2005-2015 jyldar aralyǵynda jumys isteý qabiletinen aıyrylǵan jaǵdaıda MÁSQ-dan tólenetin áleýmettik járdemaqy 6 mln. teńgeden 7 mlrd. 433 mln. teńgege ulǵaıdy, asyraýshysynan aıyrylǵan jaǵdaıdaǵy tólenetin járdemaqy 4 mln-nan 4 mlrd. 840 mln. teńgege ósti»,-dep atap ótilgen QR Densaýlyq saqtaý jáne áleýmettik damý mınıstrligi málimetinde.

Esterińizge sala keteıik, Qazaqstandaǵy mindetti áleýmettik saqtandyrý jumys isteıtin turǵyndardy áleýmettik saqtandyrýdyń qosymsha formasy retinde engizilgen.  QR DSÁDM Memlekettik áleýmettik saqtandyrý qory mindetti áleýmettik saqtandyrý júıesindegi áleýmettik qaterge tap bolǵan azamattarǵa áleýmettik járdemaqy men tólemaqylar taǵaıyndaıdy.

Сейчас читают