2007 jyly tabylǵan ejelgi qazyna AQSh-tan Ispanııaǵa qaıtaryldy
ASTANA. 5 naýryz. QazAqparat - 2007 jyly amerıkandyq Odyssey Marine Exploration kompanııasy Ispanııa jaǵalaýlarynan tapqan ejelgi qazyna AQSh-tan «tarıhı otanyna» oraldy:
bortyna 17 tonna altyn jáne kúmis tıegen eki ushaq Madrıdtegi Torrehon de Ardos áskerı avıabazasyna jetkizildi, dep habarlady reseılik «Jańalyqtar» agenttigi.
Madrıdke qazynalardyń jetkizilýi quny 370 mıllıon eýro turatyn teńizden tabylǵan oljanyń kimge tıesili ekendigi týraly daýǵa núkte qoıdy.
Amerıkandyqtar men ıspandyqtar arasyndaǵy teńizden tabylǵan oljaǵa ıelik týraly daý 2007 jyldyń jazynan beri jalǵasyp keldi. Sol kezde Odyssey Marine Exploration ekspedıtsııasy sý betine jarty mıllıonnan astam altyn jáne kúmis shaqalardy alyp shyqqan bolatyn. Amerıkandyq kompanııanyń esepteýinshe, bul shaqalardy satýdan túsetin kiris 4 mıllıard dollardy quraýy múmkin.
Bul shaqalardy ıspandyq Nuestra Senora de las Mercedes kemesi Perýge tasymaldaý barysynda 1804 jyly aǵylshyndar sýǵa batyrǵan bolatyn. Odyssey Marine Exploration qyzmetkerleri tabylǵan oljany Maıamıge (Florıda) jetkizdi, budan keıin Ispanııa úkimeti shtat sotyna baǵaly qundylyqty qaıtarý jóninde talap-shaǵym jasady.
Ispanııa kez kelgen sheteldikterdiń óziniń ońtústik jaǵalaýlaryndaǵy izdeý jumystaryna úlken kúdikpen qaraıdy. Óıtkeni, mamandardyń esepteýinshe, ıspandyq ońtústik jaǵalaýlardaǵy teńiz túbinde 24 mıllıard eýronyń sýǵa batqan qazynasy jatyr dep sanaıdy.
