2007 jylmen salystyrǵanda memlekettik áleýmettik járdemaqylardyń mólsheri eki esege jýyq artqan

dep habarlaıdy QazAqparat.

Eńbek jáne halyqty áleýmettik qorǵaý mınıstrliginiń málimetine súıensek, memlekettik áleýmettik járdemaqylardyń ortasha mólsheri 2007 jyly - 8 myń 960 teńgeni quraǵan. Járdemaqynyń orta mólsheri 2008 jyly - 11 myń 984 teńgege, 2009 jyly 13 myń 486 teńgege kóterilgen. Al bıyl 14 myń 594 teńge bolyp belgilengen.

Sonyń ishinde el azamattarynyń múgedektigine baılanysty beriletin járdemaqy 2007 jyly 9 myń 331 teńge bolsa, jyl saıyn kóterile kelip, ústimizdegi jyly 15 myń 603 teńge kóleminde anyqtalǵan.

Sol sekildi asyraýshysynan aıyrylǵan jandarǵa qarastyrylǵan járdemaqy úsh jyl buryn 8 myń 507 teńgeni qurasa, qazir 13 myń 042 teńge bolǵan. Al azamattardyń jasyna baılanysty belgilenetin járdemaqy tólemi 2007 jyly 4 myń 431 teńge kóleminde bolǵan, al bıyl 7 myń 476 teńge shamasynda anyqtalyp otyr.