2007 jylǵy Ata zańǵa engizilgen ózgerister men tolyqtyrýlar elimizdiń qoǵamdyq saıası damýyna jańa serpin berdi - konferentsııa

ALMATY. Tamyzdyń 24-i. QazAqparat /Erbol Azanbek/ - Ata zańǵa 2007 jyly engizilgen ózgerister men tolyqtyrýlar elimizdiń qoǵamdyq-saıası ómiriniń damýyna jańa serpin berdi. Bul týraly búgin Almatyda ótken «Ata zań - memlekettiń demokratııalyq damýynyń negizi» atty ǵylymı-tájirıbelik konferentsııa barysynda Almaty ákimi Ahmetjan Esimov aıtty, dep habarlaıdy QazAqparat.

«Konstıtýttsııalyq reforma Parlament pen saıası partııalardyń, azamattyq qoǵam ınstıtýttarynyń rólin arttyrdy. Zań men quqyq aýqymy keńip, azmattyq qoǵamnyń ary qaraı damýy úrdisin kepildendirdi. «Qazaqstandyq jol» elimiz halqy men memleketimizdiń kúsh deńgeıin taǵy bir aıshyqtap berdi. Elbasy atap ótkendeı Ata zańdy tolyqtyrý ishki jáne zamanýaýı shaqyrýlarǵa tıimdi jaýap berý úshin qajet. Búgin bul talaptarǵa Ata zańymyz tolyq jaýap bere alady» dedi qala ákimi.