2007-2011 jyldary Qazaq ulttyq agrarlyq ýnıversıtetiniń ǵalymdary 175 mıllıon teńgeniń 26 jobasyn júzege asyrdy - Tilektes Espolov
ALMATY. 11 qańtar. QazAqparat /Erlik Erjanuly/ - Qazaq ulttyq agrarlyq ýnıversıteti ǵalymdarynyń qatysýymen 2007-2011 jyldary 30-dan astam jasalymdar óndiriske engizildi. Bul týraly búgin Almatyda ótken «Aýyl sharýashylyǵy ónimderiniń básekege qabilettigin kóterý - Qazaqstannyń agroónerkisip keshenin qarqyndy damytýdyń negizi» dep atalatyn respýblıkalyq ǵylymı-tájirıbelik semınarda aıtyldy.
«Qazaq ulttyq agrarlyq ýnıversıteti ǵalymdarynyń qatysýymen 2007-2011 jyldary 26 joba júzege asyryldy. Ony júzege asyrý barysynda oqý ornynda 34 jańa tehnologııa nysany men tehnıkalyq quraldar quryldy. Sortań jerlerdegi kúrishtiń ónimdiligin arttyrý, aýyl sharýashylyǵy daqyldaryn egýde resýrs jınaqtaý tehnologııalaryn engizý, tyńaıtqyshtar júıesin engizý, mashınalar konstrýktsııalaryn jetildirý jáne taǵy basqa salalar boıynsha 30-dan astam jasalymdar óndiriske engizildi», - dedi ýnıversıtet rektory Tilektes Esbolov.
Onyń aıtýynsha, Aýyl sharýashylyǵy mınıstrligimen jáne Dúnıejúzilik bankpen birlesip júzege asyrǵan jobalar eldiń agrarlyq sektoryn damytýǵa zor úlesin qosty. Jańa tehnologııalardy engizý boıynsha agrarlyq ǵylym salasynyń ókilderin keń aýqymda tartý óz nátıjesin berdi. Sondyqtan taraptar bul jobalardy qarjylandyrýdy odan ary jalǵastyrsa jón bolar edi.
