2006 jyly qazaqstandyqtardyń tek úshten birinde ǵana uıaly telefon boldy

ASTANA. QazAqparat - QR Ulttyq ekonomıka birinshi vıtse-mınıstri Rýslan Dálenov Qazaqstan azamattarynyń 2006 jyly 2017 jyldardaǵy uıaly telefondarmen qamtamasyz etilýin salystyrdy, dep habarlaıdy QazAqparat.

«Qazaqstandyqtardyń 77 protsenti ınternetti paıdalanady, bizdiń 97 protsentimizdi uıaly telefon bar. Máselen, 2006 jyly tek 26 protsentimizde ǵana uıaly telefon bolǵan edi», - dedi ol búgin Úkimet úıinde ótken baspasóz máslıhaty barysynda.

Munan bólek, birinshi vıtse-mınıstr elimizde tirkelgen kólikterdiń ár túrine qatysty statıstıkalyq derektermen bólisti.

«Qazaqstanda 2017 jyldyń 1 qańtarynda 3,8 mln. jeńil avtomobıl, 439 myń júk kóligi, 130 myń jyljymaly temirjol kóligi quramy, shamamen 100 myń avtobýs, 850 azamattyq ushaq, 179 ózen kemesi men 65 teńiz kemesi tirkelgen», - dedi Rýslan Dálenov.