2006 jyldan Qazaqstanǵa 226 mlrd. sheteldik tikeleı ınvestıtsııa tartyldy
ASTANA. QazAqparat - Qazaqstanǵa sheteldik ınvestıtsııalardyń negizgi aǵymy Nıderlandtan kelip jatyr. Bul týraly búgin Ortalyq kommýnıkatsııalar qyzmetindegi baspasóz máslıhatynda «KAZNEX INVEST» eksport jáne ınvestıtsııalar ulttyq agenttigi» AQ basqarma tóraǵasy Borısbıı Janqorazov málim etti.
«Dástúrli túrde negizgi ınvestıtsııa aǵymy Nıderlandy sekildi elden kelip jatyr. Eger de 2006 jyldan bastap 2016 jylǵy birin toqsan aralyǵyndaǵy kezeńdi alatyn bolsaq, biz 226 mlrd. dollar somasynda sheteldiń tikeleı jalpy ınvestıtsııalardy tarttyq»,-dedi ol.
Investıtsııalardyń kóp bóligi Nıderlandydan (65 mlrd. dollar) keldi, ekinshi orynda AQSh - 25 mlrd. dollar, úshinshi orynda Shveıtsarııa - 15 mlrd. dollar, odan keıin QHR, Frantsııa, Ulybrıtanııa, Reseı, Italııa, Japonııa jáne basqa memleketter tur.
«Barsha álemde AQSh, Ulybrıtanııa, Gollandııa, QHR, Túrkııa iri ınvestorlar bolyp sanalady. Osy elder bizdiń ekonomıkamyzǵa tıisti úlesin qolyp keledi. Atap aıtqanda, kóp elder Nıderlandyny basqa memleketterdiń naryǵyna shyǵýdyń tuǵyrnamasy retinde paıdalanady»,-dedi B. Janqorazov.
