2006 jyldan bastap shyqqan banknottardy aıyrbastaý merzimi ózgerdi
«Halyqtyń kóptegen ótinishi negizinde, sondaı-aq, halyqaralyq tájirıbeni eskere otyryp, Ulttyq bank 2006 jyldan bastap jáne odan keıin shyqqan banknottardy aıyrbastaý úshin sheksiz merzim engizý týraly sheshim qabyldady. Jańa banknot shyqqan jaǵdaıda, 12 aı ishinde eski banknot qatar qoldanysta júredi. Basqasha aıtsaq, eski banknot ta, jańa banknot ta zańdy tólem quraly bolady jáne olardy bir jyl boıy barlyq tólem túri boıynsha qabyldaýǵa mindetti», - dedi Jomart Qajymuratov.
Onyń aıtýynsha, qandaı da bir banknot aınalymnan shyqqannan keıin ony 3 jyl merzim ishinde Ulttyq banktiń fılıaldarynan, ekinshi deńgeıli bank bólimshelerinen, «Qazposhta» AQ keńselerinen aıyrbastap alýǵa bolady.
«Eger siz belgili bir sebepterge baılanysty aınalymnan shyqqan banknottardy 3 jyl ishinde EDB pen «Qazposhta» AQ keńselerinde aıyrbastaı almaı qalsańyz, onda Ulttyq banktiń fılıaldary olardy merzim boıynsha shekteýsiz qabyldaıdy», delingen habarlamada.
Ulttyq bank fılıaldarynyń meken-jaıy men baılanys nómirleri saıtta jazylǵan. Jańashyldyq 12 maýsymynan bastap kúshine enedi