2005-2010 jyldary 100 mıllıardtan astam teńgeniń medıtsınalyq qural-jabdyqtary satyp alyndy

ALMATY. 11 mamyr. QazAqparat /Erlik Erjanuly/ - 2011-2013 jyldary «100 mektep, 100 aýrýhana» baǵdarlamasy boıynsha 31 densaýlyq saqtaý nysany salynady. Buny búgin Almatyda densaýlyq saqtaý salasynyń HVIII «KIHE-2011» kórmesiniń ashylý rásimine arnalǵan baspasóz máslıhatynda Medıtsınalyq jáne farmatsevtıkalyq qyzmetti baqylaý komıtetiniń tóraǵasy Nazarbek Beısen málimdedi.

«2005-2010 jyldary 100 mıllıardtan astam teńgeniń medıtsınalyq qural-jabdyqtary alyndy. Bıyl 842 medıtsınalyq qural-jabdyqtyń 168-i otandyq óndirýshilerden satyp alyndy. Oǵan 12,6 mıllıard teńge jumsaldy. Ulttyq júıeni engizgennen keıin taýarlyq pýnkt shamamen 18 paıyzǵa tómendedi. Bıyl ol 50 paıyzdan aspaq», - deıdi Nazarbek Beısen. Onyń aıtýynsha, «100 mektep, 100 aýrýhana» baǵdarlamasy boıynsha byltyr 58 densaýlyq saqtaý nysany salynǵan edi. 2011-2013 jyldary taǵy 31 nysan boı kótermek. Sondaı-aq 2014-2015 jyldary qosymsha 10 statsıonarlyq uıym ashý josparlanyp otyr.