2005-2007 jyldarǵa arnalǵan memlekettik turǵyn úı baǵdarlamasyna qatysýshylar jyl sońyna deıin páterlerin alady - elorda ákimi
ASTANA. 12 jeltoqsan. QazAqparat - 2005-2007 jyldarǵa arnalǵan memlekettik turǵyn úı baǵdarlamasyna qatysýshylar jyl sońyna deıin páterlerin alady.
Bul týraly Astana qalasynyń ákimi Imanǵalı Tasmaǵambetov óziniń blogyna túsken saýalǵa bergen jaýabynda aıtqan.
Sonymen qatar qala basshysy 2008-2010 jyldary aralyǵyndaǵy memlekettik turǵyn úı baǵdarlamasyna qatysyp, alaıda túrli sebeptermen páterdi alýdan bas tartqan azamattardyń baspanalary baǵdarlamanyń birinshi kezegine qatysýǵa ótinish bergen, eń joǵary ball jınaǵan, biraq buǵan deıin turǵyn úı komıssııasynyń oń sheshimin almaǵandardyń arasynda bólinetin bolady.
«Bul másele memlekettik baǵdarlamaǵa qatysýdan bas tartqan azamattardyń ótinishterin esepke almaı otyryp, turǵyn úı komıssııasynyń sheshimimen qabyldanatyn bolady», - dedi ol.
