2005-2007 jáne 2008-2010 jyldarǵa arnalǵan memlekettik baǵdarlamalar boıynsha turǵyn úı qurylystary elordada bıyl aıaqtalady
ASTANA. Sáýirdiń 2-si. QazAqparat /Serik Sábekov/ - 2005-2007 jáne 2008-2010 jyldarǵa arnalǵan memlekettik baǵdarlamalar boıynsha turǵyn úı qurylystary elordada bıyl aıaqtalady. Bul týraly búgin, sáýirdiń 2-sinde elordany odan ári damytý máseleleri boıynsha ótken keńeste Astana qalasynyń ákimi Imanǵalı Tasmaǵambetov aıtty.
I.Tasmaǵambetov turǵyn úı memlekettik baǵdarlamasy qala qurylysy strategııasynyń basymdyqty salasy ekenin atap kórsetti.
«Astanada ol qatarlas eki kezeń boıynsha júrgizilýde. Óz isterine jaýapsyz qaraǵan alaqol qurylys salýshylardyń kinásinen 2005-2007 jyldardaǵy baǵdarlama oryndalmaı qalǵan bolatyn, bul jumystar bıyl aıaqtalady. Memlekettik baǵdarlama boıynsha 102,2 myń sharshymetr turǵyn úı salý qaldy, barlyq jumystar qazir júrip jatyr. Sondaı-aq 2008-2010 jyldarǵa arnalǵan memlekettik baǵdarlama da bıyl aıaqtalady», - dep atap ótti ákim.
