2002 jyly týǵan astanalyq aıaqdopshylar Zerendide ótken halyqaralyq týrnırdiń jeńimpazy atandy
ALMATY. 11 týrnır. QazAqparat - Aqmola oblysynyń Zerendi kentinde 2002 jyly týǵan balalar arasynda «Qysqy demalystar» halyqaralyq týrnıri ótti. «Astana» fýtbol klýbynyń baspasóz qyzmetiniń habarlaýynsha, oǵan Qazaqstan men Reseıden komandalar qatysqan.
Bul jarysta «astanalyqtar» aqtyq synda kókshetaýlyqtardy («Energetık» ) 3:1 esebimen utyp jeńimpaz atandy. Al úshinshi oryn úshin bolǵan saıysta Aqmola oblysy Jaqsy aýylyndaǵy Balalar men jasóspirimder sport mektebiniń (BJSM) komandasy Stepnogorsk qalasyndaǵy Balalar men jsasósprimder sport mektebindegi qurdastarynan 6:2 esebimen basym tústi. Qyzyljar qalasynyń «Jeńis», Zerendi kentindegi BJSM-1 komandasy, Omby qalasynyń «Energııa», Zerendi kentindegi BJSM-2 komandasy 5-8 oryndardy ózara bólisti.
Onda Qaırat Toqsanbaev jattyqtyratyn «Astana» komandasy alǵashqy kezeńde de 7 kezdesýdiń qorytyndysy boınysha 16 upaımen úzdik shyqqan bolatyn. Aınalym júıesi boıynsha ótken týrnırde olar 5 oıynda jeńip, 1 oıynda teń túsip, bir oıynda jeńilistiń aşy dámin tatty. Bul saıystarda astanalyqtardyń namysyn - Baqtııar Taýkenov, Bekdos Muhametalım, Ýálıhan Tıýlıýpov, Rahat Sadyǵulov, Ilıa Kýtsenko, Marat Júnisov, Almas Qulanov, Azamat Dosov, Dıas Muratov, Ibragım Kamzev, Ihsan Chaıa, Roman Hlevnıak, Madııar Musaev, Dáýren Baımuhanov qorǵaǵan.
