2000 jylǵy Olımpıada oıyndarynyń júldegeri kólik apatynan qaza tapty
ASTANA. QazAqparat - 2000 jyly ótken Olımpıada oıyndarynyń júldegeri, kórkem gımnastshy Anna Pollatý kólik apatynan qaza tapty. Bul týraly Grekııa gımnastıka federatsııasynan habarlady, dep jazady ITAR-TASS.
30 jastaǵy sportshy qyz mingen kólik Pırgosqa bara jatqan jolda júk kóligine soqtyǵysyp qalǵan. Qaıǵyly oqıǵaǵa oraı Grekııanyń gımnastıka federatsııasy Pollatýdyń týǵan-týystaryna kóńil aıtty. Aıta keteıik, 2000 jyly Sıdneıde ótken Olımpıada oıyndarynda Grekııa qurama komandasynyń quramynda óner kórsetken Anna Poplatý qola júldeni ıelengen bolatyn. Sońǵy ýaqyttarda ol jattyqtyrýshylyqpen aınalysyp júrgen.
