2000 jyldary berilgen: Qapshaǵaı jaǵalaýyndaǵy jer telimderi tekserýden ótip jatyr

QONAEV. KAZINFORM — Almaty oblysynda paıdalanylmaı jatqan jer telimderin memleket menshigine qaıtarylady. 

Oblys ákimdiginiń málimetinshe, Qapshaǵaı sý qoımasy jaǵalaýynda ornalasqan jalpy aýdany 7 788 gektar bolatyn 82 jer telimi arnaıy tekserýden ótti. Onyń ishinde:

* 60 ýchaske — jekemenshik ıelikte, 21 — jalǵa berilgen, 1 — turaqty jer paıdalaný quqyǵynda;

* 36 ýchaske maqsatty túrde paıdalanylyp jatyr (qurylystar salynǵan, mal sharýashylyǵy júrgiziledi);

* 9 ýchaske boıynsha Jer resýrstaryn basqarý departamenti (JRBD) jumys istep jatyr;

* 22 ýchaske boıynsha materıaldar joldanǵan;

* 8 ýchaskege nusqama berilgen;

* 2 ýchaske sotta qaralyp jatyr;

* 4 ýchaske boıynsha sotqa jiberý úshin materıaldar daıyndalyp jatyr;

* 1 ýchaske memleket menshigine qaıtaryldy.

— Atalǵan ýchaskelerdiń basym bóligi 2000-jyldary, ıaǵnı Sý kodeksi kúshine enbeı turyp berilgen. Qazirgi tańda olardyń berilý zańdylyǵy da tekserilip jatyr. Qonaev qalasynda da paıdalanylmaı jatqan jerlerdi anyqtap, memleketke qaıtarý isi qarqyndy júrip jatyr. 2023–2025 jyldary jalpy aýdany 11 myń gektar bolatyn 115 jer telimi boıynsha materıaldar JRBD-ǵa joldanǵan. Onyń 50-ine nusqama berilse, qalǵandary boıynsha jumys jalǵasady, — dep habarlady ákimdikten.

Eske salaıyq, buǵan deıin pavlodarlyq zeınetker sot sheshimimen jerin qaıtaryp alǵanyn jazǵanbyz.