200 jyldan keıingi oqıǵa: meteorıtten bir adam qaza tapty
ASTANA. Úndistanda jerge qulaǵan meteorıt tıip bir adam qaza tapty, bundaı qaıǵyly oqıǵa sońǵy ret osydan 200 jyldaı buryn tirkelipti. Bul týraly Reuters agenttigi habarlady.
«Meteorıt kolledj ǵımaratyna qulaǵan», - deıdi Tamılnad shtatynyń basshysy Jaıalalıt Jaıaram. Onyń aıtýyna qaraǵanda aspan denesi tıgen er adam qatty jaraqat alyp, aýrýhanaǵa jetpeı qaıtys bolǵan. Marqum bolǵan adam avtobýs júrgizýshisi bolyp qyzmet etken. Onyń otbasyna oqý orny 1,47 myń dollar ótemaqy tólegen.
Keıin belgili bolǵandaı, aspan denesi qulaǵan shaqta er adam kolledj ashanasynyń janynda turǵan. Oǵan jaqyn júrgen eki stýdent jáne baǵban da jaraqat alypty. Sonymen qatar, oqý ornynyń ǵımaratyna da zaqym kelgen. Meteorıt qaldyǵy oqıǵa ornynan tabyldy.
International Comet Quarterly basylymynyń jazýyna qaraǵanda, sońǵy ret aspan denesi qulaý kezinde qaza tapqan adam týraly derek 1825 jyly tirkelipti.
