200 jolaýshysy bar Malaysia airlines ushaǵy shuǵyl qonýǵa májbúr boldy
ASTANA. QazAqparat - Aýstralııada tehnıkalyq aqaýǵa baılanysty Malaysia Airlines áýe kompanııasynyń ushaǵy shuǵyl qonýǵa májbúr boldy.
Bul jaıly Euronews habarlaıdy.
Sıdneıden Kýala-Lýmpýrǵa jol alǵan avıalaınerdiń bortynda 200-den astam jolaýshy bolǵan. Tórt saǵat ushqan soń, salonda jaryq sónip, aerobýs teńsele bastaıdy. Sodan keıin laıner kapıtany shuǵyl qonýǵa sheshim qabyldaǵan.
Malaızııa áýe kompanııasyndaǵylardyń aıtýynsha, ushaqqa tóngen aıtarlyqtaı qaýip bolmaǵan. Degenmen, ekıpaj qozǵaltqyshtardyń birindegi aqaýǵa baılanysty kómek alý úshin Elıs-Sprıngs qalasyna qonýdy jón dep sanaǵan.
