200 jolaýshylar poıyzy tekserilip, 431 kemshilik anyqtaldy
Qyrkúıek aıyna deıin jalǵasatyn sharany IIDM Kólik komıteti, ІІM Kóliktegi polıtsııa departamenti men Sybaılas jemqorlyqqa qarsy is-qımyl agentigi birlesip uıymdastyrýda
«Búginde poıyzdardyń tehnıkalyq jaı-kúıimen qatar tasymaldaý kezindegi qaýipsizdikke de jiti nazar aýdarylyp otyr. Osyǵan oraı aǵymdaǵy jyldyń alǵashqy bes aıynda temir jol salasyndaǵy 220 kásiporynǵa tekserý júrgizildi. Tekseris nátıjesinde 4 091 buzýshylyq anyqtalyp, jyljymaly quramnyń 47 birligin paıdalaný toqtatyldy», - de jazdy Indýstrııa jáne ınfraqurylymdyq damý mınıstrligi resmı saıtyna.
Sondaı-aq aýmaqtyq kóliktik baqylaý organdary 200 jolaýshylar poıyzyn tekserip, jolaýshylardy tasymaldaý qaǵıdalarynyń talaptaryn buzýǵa qatysty 431 kemshilik anyqtaǵan. Bıletsiz jolaýshylardy tasymaldaýǵa qatysty 33 oqıǵanyń joly kesilip, 31 mln teńge kóleminde aıyppul óndirilgen.
«Qazirgi tańda jolaýshylarmen keri baılanys ornatý jáne tasymaldaý kezindegi sapany arttyrý maqsatynda Kólik komıtetiniń Ahýaldyq ortalyǵynyń bazasynda táýlik boıy arnaıy Whatsapp nómiri jumys isteıdi. 2022 jyldyń alǵashqy alty aıynda atalǵan jelige myńnan astam ótinish pen shaǵym kelip tústi», - delingen jazbada.
