200 teńgege jalǵan aqsha satyp alyp, 20 myń teńgege saýda jasaǵan
ASTANA. QazAqparat - Ekibastuz qalalyq sotynda alaıaqtyq faktisi boıynsha Nıkolaı Bulumbaevqa qatysty qylmystyq is qaraldy, dep habarlaıdy pavlodarnews.kz.
Іs materıalyna súıensek, aıyptalýshy Qaraǵandy qalasyndaǵy "Okean" bazarynda nomınaly 10 myń teńgelik jasandy aqsha satyp alǵan. Bul arqyly saýda jasaýǵa bolmaıtyny týraly kádesyıda eskertilip jazylǵan. Degenmen 200 teńgege taǵy da toǵyz jalǵan aqsha satyp alǵan ol keshkisin Ekibastuzǵa attanǵan.
«2016 jyldyń qyrkúıek aıynda aıyptalýshy qolyndaǵy aqshanyń tólem quraly bolmaıtynyn bile tura satýshylarǵa usynyp, 10 myń teńgelik jalǵan eki banknot arqyly 17 myń teńge turatyn «Lydia» fırmasynyń qysqy kıimin satyp alǵan. Buǵan qosa, qalǵan úsh myń teńgesin qaıtaryp alǵan da oqıǵa ornynan tabanyn jaltyratqan. Nátıjesinde dúken ıesine 20 myń teńge shyǵyn keltirgen. Atalmysh faktige qatysty QR QK-niń 68-babyna sáıkes zardap shegýshilermen medıatıvti kelisim jasaý boıynsha qylmystyq isti toqtatý týraly qaýly shyǵarylyp, aıyptalýshy óz kinásin tolyq moıyndady. Sot qaýlysy zańdy kúshine engen joq», - dedi oblystyq sottyń baspasóz qyzmetiniń jetekshisi Aıgerim Súleımenova.
