200 tasbaqany Qazaqstannan Reseıge jetkizbek bolǵandar ustaldy
ASTANA. QazAqparat - 200 tasbaqany Qazaqstannan Reseıdiń Orenbýrg qalasyna jetkizbek bolǵandar ustaldy, dep habarlaıdy 56orb.ru.
Reseı aýyl sharýashylyǵy baqylaý basqarmasynyń mamandary Reseıdiń Orenbýrg oblysy boıynsha Federaldyq qaýipsizdik qyzmetiniń Shekara qyzmetkerlerimen birge «Sagarchın» ótkizý beketinde tekserý júrgizip jatqan.
Osy ýaqytta olardyń nazaryna júzdegen tasbaqalar salynǵan kólik iligedi. Tekserý barysynda tasbaqalardyń tıisti qujattary joq ekendigi anyqtaldy. Osylaısha, tasbaqalardy tasymaldaýshylar veterınarııalyq zańnamalardy buzǵan bolyp shyqty.
Júrgizýshi óziniń «taýarymen» birge úıine qaıtaryldy. Al tasbaqalardyń ıesi ákimshilik jaýapqa tartylady.
