200 sheshimniń ishinen 8-i zańsyz shyqty: Abaı oblysynda sheneýnikter jazalandy
ASTANA. KAZINFORM — Abaı oblysynda ınvestorlarǵa eksportqa qajetti fıtosanıtarııalyq sertıfıkat berýden zańsyz bas tartý faktileri anyqtaldy. Prokýratýranyń aralasýynan keıin 8 zańsyz sheshimniń kúshi joıylyp, kásipkerlerdiń quqyqtary qorǵaldy.
Vedomstvonyń baspasóz qyzmeti atap ótkendeı, tekserý barysynda ýákiletti organ prokýratýranyń kelisiminsiz 200 teris sheshim qabyldaǵany anyqtaldy. Onyń ishinde 8 sheshim zańsyz dep tanyldy.
Jekelegen jaǵdaılarda bas tartýǵa fıtosanıtarııalyq saraptamanyń júrgizilmegeni sebep bolǵan. Alaıda atalǵan saraptamany júrgizýdi qamtamasyz etý ýákiletti organnyń tikeleı mindeti sanalady.
— Qabyldanǵan sharalardyń nátıjesinde kásipkerlik qyzmetke zańsyz aralasqany úshin eki laýazymdy tulǵaǵa jalpy somasy 3 mln teńgeden astam ákimshilik aıyppul salyndy, — delingen habarlamada.
Oblys prokýratýrasy ınvestorlardyń quqyqtaryn qorǵaý jáne ákimshilik kedergilerdi joıý boıynsha jumysty jalǵastyrady.
Investorlar anyqtalǵan zańbuzýshylyqtar týraly 8 (707) 144-00-16 telefon nómiri nemese 115 Call-ortalyǵy arqyly habarlaı alady.
Budan buryn Shymkentte ınvestorlarǵa kedergi keltirgen sheneýnikter aıyppul arqalaǵanyn jazǵan edik.
