200 myńnan astam adam zeınetaqysyz qalýy múmkin
ASTANA. QazAqparat - RF-da eńbek mınıstrligi ázirlegen 1 mln. rýblden joǵary jyldyq tabysy bar, jumys isteıtin zeınetkerlerge tólemdi toqtatýdy kózdeıtin zań jobasynyń talaptaryna 220 myńǵa jýyq adam iligýi múmkin. Bul týraly mınıstrlik derekózine silteme jasap, «Interfaks» habarlady.
«Jalpy somany esepteý RF Zeınetaqy qorynyń ókiminde bar, ol saqtandyrýshylar men saqtandyrylǵan tulǵalar bergen málimetter negizinde júrgiziledi», - dep habarlady suhbat berýshi.
Mınıstrliktiń baǵalaýynsha, Reseıde jumys isteıtin zeınetkerler sany 2016 jyly - 14 mıllıon 210 myń, 2017 jyly - 14 mıllıon 320 myń, 2018 jyly - 14,2 mıllıon adam bolmaq.
Jyldyq tabysynyń mólsheri zeınetaqy alýyn toqtatýǵa soqtyratyn zeınetkerlerdiń sany 1,5 paıyzdy - 220 myńǵa jýyq adamdy qamtıdy.
Budan buryn 1 mln rýb bastap, odan joǵary ortasha jyldyq tabysy bar jumys isteıtin zeınetkerlerge zeınetaqy tóleý 2016-2017 jj. shektelýi múmkin ekenin eńbek mınıstri Maksım Topılın habarlaǵan.
