200 myńǵa jýyq qazaqstandyq onkologııalyq syrqattar boıynsha esepte tur
NUR-SULTAN. QazAqparat – Elimizde jyl saıyn 35 myńǵa jýyq adamnan onkologııalyq syrqat anyqtalyp, esepke alynady. Mamandardyń aıtýynsha, atalǵan derttiń aldyn alý men jeńýdiń basty joly – ýaqytyly qaralyp, em alý. Osy máselege qatysty Qazaqstandaǵy ahýal jaıly QazAqparat tilshisine Nur-Sultan qalasynyń bas onkolog-dárigeri, kópsalaly medıtsına ortalyǵynyń dırektory Muhtar Tóleýtaev aıtyp berdi.
«Sońǵy jyldary onkologııalyq aýrýlarǵa 55 pen 75 jas aralyǵyndaǵy adamdar jıi ushyraýda. Onyń ózindik sebepteri bar. Birinshiden, onkologııamen syrqattanýǵa ekologııalyq ahýal áser etedi. Ekishshiden, adamnyń ómir súrý salty. ıAǵnı ishimdik ishý, shylym tartý sol sııaqty durys tamaqtanýda ómir saltyna jatady. Joǵary atalǵan jaǵdaılar onkologııalyq aýrýǵa shaldyǵýdyń basty sebepteriniń biri. Sonymen qatar qant dıabeti jáne sozylmaly derti bar jandar onkologııalyq aýrýdyń qarmaǵyna jıi ilinedi», - dedi Muhtar Tóleýtaev.
Onyń aıtýynsha, adam boıynan onkologııalyq aýrý neǵurlym erte anyqtalsa, soǵurlym ony jeńýdiń múmkindigi mol.
«Qazirgi tańda elimizde 190 myń adam onkologııalyq aýrý boıynsha esepte tur. Jalpy jylyna 35 myńdaı adamnan atalǵan dert túri anyqtalyp, ol patsıent esepke alynady. Al elordada qazirgi sátte 12 myń adam esepke alynǵan. Sonymen qatar bul aýrý túri salystyrmaly túrde Qazaqstannyń soltústik óńirinde jıi taraǵan. Endi búginde onkologııa dertimen kúreste Qazaqstanda ne istelip jatyr degen suraqqa kelsek. Aldymen bizde onkologııalyq aýrý dıagnostıkadan ótý jáne ony emdeý tolyqtaı tegin iske asyrylady. ıAǵnı syrqattardy emdý úshin dári-dármek, qural-jabdyq jáne basqa da qajettilikti memleket ózi kóteredi. Ol úshin arnaıy memlekettik baǵdarlamada bar», - deıdi ol.
Sondaı-aq, maman onkologııalyq aýrýǵa ushyramaýdyń ıaǵnı derttiń aldyn alý joldaryn atap berdi.
«Aldymen salaýatty ómir saltyn ustanǵan jón. Durys tamaqtaný men ýaqytyly demalýda mańyzdy. Jıi qozǵalysta bolǵan durys, demek sportpen aınalysý kerek. Sosyn sozylmaly aýrýy bar adamdar ýaqyt sozbaı emdelýi kerek. Sebebi onyń arty onkologııalyq dertke alyp kelýi múmkin. Qazaqstanda onkologııalyq aýrýǵa shaldyǵyp, esepke alynǵandardyń 33 paıyzynan derttiń alǵashqy belgili anyqtaldy. Olar ýaqytyl em alsa, tolyq jazylyp ketý múmkindigi bar. Aýrýdy asqyndyrmaı aldyn alǵan durys», - dedi M. Tóleýtaev.
