200 myń jumyssyz adam jyl sońyna deıin jańa jumyspen qamtylady

NUR-SULTAN. QazAqparat – QR Premer-Mınıstri Asqar Mamın eldegi jumyssyzdyqpen kúrestiń jańa baǵyttary týraly aıtty, dep habarlaıdy QazAqparat tilshisi.

«Bıylǵy 9 aıdyń qorytyndysy boıynsha 1 mıllıonnan astam qazaqstandyqqa jumyspen qamtý sharalary kórsetildi. Osy jyldyń sońyna deıin qosymsha 200 myń adamdy qamtý josparlanǵan. Atalǵan josparlar oryndalatyn bolady», - dedi Premer-Mınıstr Úkimettiń búgingi otyrysynda.

Úkimet basshysy qazirgi kezde ekonomıkanyń barlyq salalary qalypqa kelip jatqanyn atap ótti. Bul sharalar jumyssyzdyq deńgeıiniń ósýine jol bermeýge jáne ony 4,9 paıyz deńgeıinde ustap turýǵa múmkindik beredi.

«Óte mańyzdy bir másele – turaqty jumys oryndaryn qurý, bıyl keminde 440 myń jumys orny qurylýy tıis. Atyraý, Qaraǵandy jáne Qostanaı oblystarynda turaqty jumys oryndaryn qurý boıynsha jaqsy tájirıbe bar. Qalǵan óńirler de osy baǵytta jumysty jandandyrýy tıis», - dedi A. Mamın.