200 myń teńgege satylǵan at sporty klýby: Isekeshev prokýrorlyq tekseris ótkizýdi tapsyrdy
ASTANA. QazAqparat - Astana qalasynyń ákimi Áset Isekeshev kommýnaldyq múlik nysandaryn básekelestik ortaǵa berý máseleleri boıynsha keńes ótkizdi.
Oǵan memlekettik kommýnaldyq qazynashylyq kásiporyndaryn aýktsıon arqyly satý máselesi sebep boldy, dep habarlaıdy QazAqparat qala basshysynyń baspasóz qyzmetine silteme jasap.
Áset Isekeshev nysandardyń áleýmettik mańyzdylyǵyn eskere otyryp, áleýmettik bul máseleni muqııat pysyqtaýdy, quqyqtyq baǵa berý úshin saýda boıynsha materıaldardy qalalyq prokýratýraǵa jiberýdi, sondaı-aq, qala ákimdiginiń tıisti basqarmalaryna barlyq jekeshelendirý nysandary boıynsha tolyq aqparatty jarııa etýdi, aldaǵy ýaqytta josparlanǵan saýdalar týraly aqparatty keńinen taratýdy tapsyrdy.
Qala ákiminiń tapsyrmasy boıynsha, búgin saǵat 16.00-de ákim orynbasary Andreı Lýkın arnaıy baspasóz máslıhatyn ótkzedi.
Buǵan deıin habarlaǵanymyzdaı, «Astana» kókpar klýby» memlekettik kommýnaldyq-qazynalyq kásipornynyń aýktsıon arqyly jekemenshikke satyldy.Gollandııalyq ádispen saýda-sattyqa salynǵan klýbtyń menshiginde asyl tuqymdy 11 at, qyzmettik kólikter, ınfraqurylym, turǵyn-jaılar men at ábzelderi bolǵan. Sonyń barlyǵyn «qupııa adam» bar bolǵany 200-aq myń teńgege satyp alypty. Tańǵalarlyq aýktsıonnyń ótkenin tipti klýb basshylyǵy da bilmeı qalǵan. Atalǵan nysannyń áleýmettik mańyzdylyǵy sol, onyń janynda at ónerine úırenetin mektep bolǵan. Onda 140-qa jýyq bala dáris alyp júrdi. Osy ýaqytqa deıin mekteptiń qol jetkizgen jetistikteri de az emes.
«Astanadaǵy kommýnaldyq múlik pen memlekettik satyp alýlar basqarmasy at sporty klýbyn aýktsıonǵa salyp, satyp jiberipti. Úsh aýktsıon ótken. Úshinshisin gollandııalyq ádispen, ıaǵnı baǵany tómendetý arqyly 198 700 teńgege belgisiz bireýge sata salypty. Sonda bir atty 20 myń teńgeden baǵalaǵan eken. Al negizinde ol asyl tuqymdy attardyń naryqtaǵy baǵasy júz ese qymbat. Bireýi 5 myń dollar turady. Aty turmaq bir ertoqymnyń ózi 350 myń teńge bolatyn. Munyń syrtynda qyzmettik kólikter sııaqty múlikter taǵy bar», - deıdi «Tulpar» ıppodromy dırektorynyń orynbasary Bolat Shalabaev «QazAqparatqa» bergen suhbatynda.
