200 myń dollar para alǵan depýtat ustaldy

NUR-SULTAN. QazAqparat - Almaty oblysy Talǵar aýdandyq máslıhatynyń depýtaty para alý kúdigine ilikti.

Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Tergeý departamenti bastyǵynyń orynbasary Baýyrjan Balǵabekov aıtty, dep habarlaıdy QazAqparat tilshisi.

«Sybaılas jemqorlyqqa qarsy is-qımyl bıýrosynyń Almaty oblystyq departamenti Talǵar aýdandyq máslıhatynyń depýtaty - aýdandyq jer komıssııasy múshesiniń paraqor ekendigin anyqtady. Ol Talǵar aýdany Panfılov aýyldyq okrýgine qarasty aýmaǵy 12 gektar jer ýchaskesiniń maqsatty taǵaıyndalýyn ózgertkeni úshin azamattan 200 myń dollar (teńgege shaqqanda 76 mln) para alý kúdigine ilikti», - dedi ol.

Onyń atap ótýinshe, sot kúdiktige tutqynda ustaý túrindegi shara qoldanǵan.

«Tergeý amaldary júrip jatyr», - dedi B.Balǵabekov.