200 muǵalimge jataqhana beriledi - Astana
ASTANA. QazAqparat - Elordada baspanaǵa muqtaj 200 muǵalim jataqhanaǵa ornalastyrylady. Bul týraly búgin Astana qalalyq bilim basqarmasynyń basshysy Ánýar Janǵozın aıtty, dep habarlaıdy QazAqparat tilshisi.
«Birinshi jataqhana taıaý aralyqta paıdalanýǵa beriledi. Biz shamamen 200 muǵalimdi ornalastyramyz dep josparlap otyrmyz. Qazir ótinimder jınaqtalyp jatyr, oǵan qaıtadan kelgen muǵalimder de qosylady. Arnaıy qurylǵan komıssııa quramyna qoǵam, túrli organ ókilderi kiredi. Bul jataqhana oryndaryn barynsha ádil bólý úshin jasalǵan», - dedi basqarma basshysy.
Sonymen qatar ol elordada baǵasy qoljetimdi, sapasy joǵary hostelderdiń bar ekendigin atap ótti. Olarǵa óńirlerden jańadan kelgen jas muǵalimderdi ornalastyrýǵa múmkindik bar.Munan bólek, basqarma basshysy stýdentterdi hostelderge jaıǵastyrý máselesine toqtaldy.
«Aǵymdaǵy jyly ákim bastamasymen stýdentterdiń turýy úshin hostelderdi irikteý júrgizip jatyrmyz. Birinshi irikteýdi ótkizdik. Usynylǵan 5000 orynnan komıssııa 4 myńyn iriktep aldy. Bul bizdiń qajettiligimizdi tolyqtaı jaba almaıdy. Sondyqtan taıaý ýaqytta baıqaý jarııalanady. Barlyq hostelder men qonaq úı úılerin baıqaýǵa qatysýǵa shaqyramyz», - dedi Ánýar Janǵozın.
