200 mln teńge jymqyryp, alaıaqtyq jasaǵan erli-zaıypty ustaldy
ASTANA.KAZINFORM - ІІM krımınaldyq polıtsııa departamentiniń qyzmetkerleri halyqaralyq izdeýde júrgen 40 jastaǵy er adam men onyń 45 jastaǵy jubaıyn Jambyl oblysynyń aýmaǵynda quryqtady, - dep habarlaıdy Polisia.kz.
Kúdiktiler senimge kire otyryp, túrli syltaýmen Astana jáne Semeı qalalarynyń turǵyndarynyń shamamen 200 mln teńge kólemindegi qarajatyn ıemdengen.
Jedel-izdestirý is-sharalary barysynda izdeýde júrgenderdiń uzaq ýaqyt boıy Jambyl oblysyndaǵy eldi mekenderdiń birinde tanystarynyń úıinde jasyrynǵany anyqtaldy.
Qazirgi ýaqytta ustalǵandar ýaqytsha ustaý ızolıatoryna qamaldy.
Aıta keteıik, Qarjylyq monıtorıng agenttigi jańa alaıaqtyq shemalar týraly eskertti.
Alaıaqtyq jolmen paıda tapqysy kelgen aqtóbelik depýtattar bas bostandyǵynan aıyryldy.
