200 erikti «Astanamen qatar tur!» sherýine daıyndyq úshin elorda kóshelerine shyqty
ASTANA. 24 maýsym. QazAqparat - Astanada qalanyń 15 jyldyǵyn merekeleýge qatysý úshin eriktiler brıgadasy uıymdastyrǵan jattyǵý bastaldy, - dep habarlady Astananyń 15 jyldyq merekesin ázirleý jáne ótkizý jónindegi uıymdastyrý komıteti shtabynyń medıatobyna silteme jasap astana.kz saıty.
Jeksenbi kúni 16.00-de elordanyń ortalyq kóshesinde 200 erikti «Astanamen qatar tur!» sherýine daıyndyq júrgizdi.
Sol úshin bir saǵat boıy Respýblıka dańǵylynan bastap Seıfýllın kóshesin Abaı dańǵylyna deıin jol jabyldy.
Eske salaıyq, Astana kúni qala turǵyndary «Astanamen qatar tur!» sherýine qatysady. Munda ár topty qazaqstandyq sport, shoý-bıznes, óner juldyzdary bastap júredi.
«Astanamen qatar tur!» sherýiniń baǵdary eki baǵytta: 1) Jastar saraıy - Respýblıka - Kenesary - Sary-Arqa dańǵyldary - Memlekettik Tý - Báıterek 2) Memlekettik Tý - Báıterek - Saltanatty Iin ótedi.
