200-deı sodyrdy ólim jazasyna kesti
ASTANA. QazAqparat - Búgin egıpet soty 180-nen astam ıslamısti ólim jazasyna kesti, olardyń qatarynda «Musylman-baýyrlar» tobynyń basshysy da bar, dep jazady rosbalt.ru.
Associated Press agenttigi habarlaǵandaı, ólim jazasyna kesilgenderdiń naqty sany belgisiz. Sottalǵandardyń sany 182-197 arasynda delinedi. Zańgerlerdiń aıtýynsha, shaǵymdanyp, úkimdi qaıta qaratýǵa bolady.
Buǵan deıin habarlanǵandaı, «Musylman-baýyrlar» tobynyń basshysy Mohammed Badıa jáne taǵy 682 qozǵalys múshesin ólim jazasyna kesý úkimi shyqqan. Bul jerde naqtylaı ketetin bir nárse - Badıaǵa bul úkim syrttaı kesilgen. Óıtkeni ol saqshylardan áli kúnge boı tasalap júr.
Ótken jylǵy jeltoqsannyń aıaǵynda - bılikten ıslamıs prezıdent Mýhammed Mýrsıdiń shettetilgenine jarty jyl tolǵannan keıin sot «Musylman-baýyrlardy» terrorıstik top dep jarııalaǵan bolatyn.
