200-den astam qazaqstandyq Qnet kompanııasyna shaǵym túsirdi
NUR-SULTAN. QazAqparat – Qazaqstanda Qnet jelilik kompanııasyna qatysty 29 qylmystyq is qaralyp jatyr, dep habarlaıdy QazAqparat tilshisi.
QR ІІM Tergeý departamentiniń basshysy Sanjar Ádilovtiń aıtýynsha, Qnet kompanııasynyń bas keńsesi Malaızııada ornalasqan.
«Kompanııa jelilik marketıng júrgizedi, onda adamdar túrli zergerlik buıymdardy satýmen aınalysady. Bastapqy salym somasy – 30 dollar. Qazirgi ýaqytta azamattardan 211 shaǵym tirkelgen. Jalpy elimiz boıynsha 29 qylmystyq is tergelip jatyr», - dedi S. Ádilov QR ІІM uıymdastyrǵan onlaın brıfıngte.
Spıkerdiń aıtýynsha, Almaty oblysy Polıtsııa departamentiniń tergeý basqarmasy Qnet kompanııasynyń ókilderine qatysty 20 qylmystyq isti tergep jatyr.
«Munda 220 adamnyń zadrap shekkeni anyqtaldy. Olar 160 mln teńge materıaldyq shyǵynǵa ushyraǵan. Tergeý sharalary belsendi júrip jatyr. Malaızııa Koroldigine halyqaralyq tergeý tapsyrmasy jiberildi. Atalǵan qylmystyq is nátıjeleri týraly qosymsha habarlaımyz», - dedi departament basshysy.
Aıta keteıik, jyl basynan beri Іshki ister organdary qarjy pıramıdalaryn uıymdastyrý men qurý boıynsha 217 qylmystyq isti tergep, 116 isti sotqa joldaǵan.
