200-den astam qazaqstandyq Polshadan oraldy
«Búgin, koronavırýs pandemııasy aıasynda álemdegi qolaısyz jaǵdaıǵa baılanysty otandastarymyzdy Qazaqstanǵa qaıtarý boıynsha qabyldanyp jatqan sharalar aıasynda, Polshaǵa otandyq SCAT áýekompanııasynyń arnaıy charterlik reısi jiberildi», delingen habarlamada.
Polsha bıligi engizgen rejim men shekaranyń jabylýyna qaramastan, Varshavadaǵy QR Elshiliginiń kúshimen qazaqstandyq jolaýshylardy otanymyzǵa qaıtarý týraly kelisimge qol jetkizilgen.
«Dıplomattarymyzdyń, Indýstrııa jáne ınfraqurylymdyq damý mınıstrligi qyzmetkerleriniń, sondaı-aq jergilikti bılik pen qazaqstandyq áýekompanııa ókilderiniń úılesimdi jumysy nátıjesinde ushýyn birneshe kún boıy kútip otyrǵan 207 jolaýshy Qazaqstanǵa sátti oraldy. Jolaýshylardyń basym bóligi Eýropada oqıtyn qazaqstandyq stýdentter.
Kúndiz-túni eńbek etip, densaýlyǵyna tónip turǵan qaterge qaramastan otandastaryn rýhanı tózimdiliktiń úlgisimen sergitkeni úshin bizdiń Varshavadaǵy áriptesterimizge alǵysymyzdy bildiremiz», delingen habarlamada.
