200-den astam iri qarany Qyrǵyzstanǵa qujatsyz jibermek bolǵandar ustaldy

ASTANA. QazAqparat – Almaty oblysynan Qyrǵyzstanǵa 203 bas iri qarany qujatsyz jiberýge tyrysqan kúdiktiler ustaldy. Bul týraly QR Іshki ister mınıstrligi Krımınaldyq polıtsııa departamentiniń asa mańyzdy ister jónindegi aǵa jedel ýákili Qudııar Nurseıitov aıtty, dep habarlaıdy QazAqparat tilshisi.

«Jedel-aldyn alý sharasy barysynda mal jáne et ónimderin tasymaldaıtyn 7 myńnan astam avtokólik tekserildi. Sol sııaqty 2 myńnan astam mal jáne et ónimderin qabyldaý jáne satý ornynyń jumysy qadaǵalandy. Odan bólek, 7 myńǵa jýyq sharýa qojalyǵy, shalǵaı ýchaskeler men fermalar tekserildi. Tekserý barysynda mamandar 222 mal urlyǵyn ashyp, 175 kúdikti ustaldy. Sondaı-aq 977 bas mal ıelerine qaıtaryldy», - dedi Qudııar Nurseıitov vedomstvoda ótken baspasóz máslıhatynda.

«Veterınarııa qyzmetine qatysty tıisti qujatsyz mal jáne et ónimderin satýǵa ruqsat berý boıynsha 786 quqyq buzýshylyq anyqtaldy. Máselen, Almaty oblysynda Qyrǵyzstanǵa 203 bas iri qarany qujatsyz jiberýge tyrysqan 2 turǵyn ustaldy», - deıdi ol.

Buǵan deıin ІІM ókili malyn óriske qaraýsyz jiberetin qazaqstandyqtardyń azaımaı otyrǵanyn aıtqan edi.