200-den astam eldi mekende medıtsınalyq nysan joq
ASTANA. QazAqparat - Qymbat dári-dármekpen qamtamasyz etý deńgeıi aýyl turǵyndary arasynda qala turǵyndarymen salystyrǵanda 2 ese az. Bul týraly Parlament Májilisindegi Úkimet saǵatynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.
«Aýyldaǵy densaýlyq saqtaý salasynda birqatar problema bar. Dınamıkalyq baqylaý sapasynyń tómendigi, konsýltatsııalyq-dıagnostıkalyq qyzmetterdiń jetkiliksiz bolýy baıqalyp otyr. Sonymen qatar, sozylmaly aýrýlary bar patsıentterdi qymbat dári-dármekpen qamtamasyz etý aýyl turǵyndary arasynda qala turǵyndarymen salystyrǵanda 2 ese az», - dedi A. Ǵınııat aýyldaǵy densaýlyq saqtaý máselesin talqalýǵa arnalǵan Úkimet saǵatynda.
Osy oraıda ol birqatar aýylda dárihana pýnkteri joq ekenin aıtty.
«Aýyldaǵy kadrlyq qamtamasyz etýge taldaý jirgizilip, 1 700-den astam medıtsına qyzmetkeriniń, onyń ishinde 1000-nan astam dárigerdiń tapshylyǵy anyqtaldy. Memleket basshysynyń tapsyrmasy boıynsha aýyldaǵy nysandarǵa ınventarızatsııa júrgizildi. Nátıjesinde, 200-den astam eldi mekende medıtsınalyq nysan joq, sondaı-aq 400-ge jýyq aýylda medıtsınalyq nysan jalǵa alynǵan, nemese apattyq, beıimdelgen ǵımarattarda ornalasqan» - dedi mınıstr.
Onyń sózine qaraǵanda, aýyldyq medıtsınalyq-sanıtarııalyq alǵashqy kómekke qatysty medıtsınalyq ınfraqurylymynyń tozýy 50 paıyzdan asyp otyr.
