200-den astam ata-ana jaýapkershilikke tartyldy - Jambyl oblysy
TARAZ. QazAqparat – Jambyl oblysynda kámeletke tolmaǵandar arasynda quqyq buzýshylyqty boldyrmaýǵa baǵyttalǵan reıdter ótti, dep habarlaıdy QazAqparattilshisi.
Bir apta ishinde ishki ister organdaryna 113 kámeletke tolmaǵan bala jetkizilip, 226 ata-ana men ózge de eresek adamdar ákimshilik jaýapkershilikke tartyldy.
Naqtyraq aıtsaq, bir aptada alkogol ónimderin satý erejeleri týraly QR zańnamasyn buzǵany úshin QR ÁQBtK-niń 200-baby boıynsha 10 dúken ıesi ákimshilik jaýapkershilikke tartyldy. Kámeletke tolmaǵan balalarynyń túngi ýaqytta turǵyn úıden tys jerde bolǵany úshin 113 zańdy ókil QR ÁQBtK-niń 442-baby 2-bóligi boıynsha jazalandy.
«Sondaı-aq, 130 ózge de qoǵamdyq tártip buzýshylyq anyqtaldy. Aptalyq jumyspen óteý barysynda profılaktıkalyq esepke 4 kámeletke tolmaǵan jáne 12 kámelettik jasqa tolmaǵan bala turatyn segiz qolaısyz otbasy qoıyldy. KBO-ǵa bes jasóspirim ornalastyryldy.
Kámeletke tolmaǵandardy quqyqqa qarsy ortaǵa tartýǵa jol bermeý maqsatynda atalǵan is-sharalar kúsheıtiletin bolady», - dep habarlady Polıtsııa departamenti Jergilikti
polıtsııa qyzmeti basqarmasynyń bastyǵy Rahymberdi Áshkeev.
