200-den asa tutqyn 5 kúzetshini óltirip, túrmeden qashyp ketti
ASTANA. 30 qyrkúıek. QazAqparat - Iraktaǵy Tıkrıt qalasynyń túrmesinen 200-den asa tutqyn qashqan. Olar túrmeniń bes kúzetshisi óltirgen.
Olar aldymen kúzetshilerdiń qarýlaryn ıemdenip, oq boratqan. Sodan soń, kiltterdi tartyp alyp, ózge kameralardyń esikterin ashqan.
Oqıǵa ornyna qosymsha polıtsııa bólimsheleri jiberildi. Sondaı-aq Baǵdad pen Samarra qalalarynan tikushaqtar ushyp keldi. Túrme qorshaldy, tártip saqshylary men búlikshiler arasynda atys bolyp, polıtsııa 30-dan asa adamdy qolǵa túsirdi. Irak úkimet ókilderiniń aıtýlaryna qaraǵanda, túrmedegi búlikti «Ál-Kaıda» músheleri uıymdastyrǵan bolýy yqtımal.
