200-den 200 myń teńgege deıin: Otandastarymyz sý tasqynynan zardap shekkenderge kómek jınaýda
ASTANA. KAZINFORM — Sý tasqynynan zardap shekkenderge kómek retinde jeke tulǵalardan 500 mln teńgeden astam qarajat jınalǵan. Bul týraly «Biz birgemiz» jalpyulttyq telemarafony barysynda «Qazaqstan halqyna» qorynyń resmı ókili Marat Muhamedsalıev aıtty.
«Stýdııaǵa shyǵar aldynda áriptesterimnen derekterdi naqtylaǵan edim. Osy ýaqytqa 4 mlrd 770 mln teńge jınaldy. Bul — 1 sáýirden bastap túsken qaıyrmaldyq qarajat. Olardyń ishinde iri soma da bar. Máselen, Aqniet Group 1 mlrd 300 mln, Halyq bank 950 mln teńge aýdardy. Іri qurylys kompanııalary, logıstıkalyq sektor da aýdaryp jatyr. Al jeke tulǵalardyń úlesine shamamen 500 mln teńge tıesili. ıAǵnı, ol siz ben biz sııaqty qarapaıym adamdardan túsken aqsha»», — dedi «Qazaqstan halqyna» qorynyń resmı ókili Marat Muhamedsalıev.
Onyń atap ótýinshe, sý tasqynan zardap shekkenderde úı salýǵa qarajat bólý úshin qor men oblys ákimdikteri arasynda memorandým jasalady.
ıAǵnı, bul rette jergilikti atqarýshy organ tapsyrys berýshi bolady. Jańa úıdiń qaı jerde salynatyndyǵyna, onyń kimge beriletindigine qatysty hattama jasalyp otyrady.
Al «Halyq» qaıyrymdylyq qorynyń atqarýshy dırektory Narıman Ábilshaıyqov Tımýr Qulybaev bólgen 30 mlrd teńgeni qosa alǵanda 31 mlrd teńgeden astam qarajat sý tasqynymen kúreske jáne onyń saldaryn joıýǵa jumsalatynyn aıtady.
«Búginde árbir azamat „Hoým“ bank qosymshasynyndaǵy tólemder-qaıyrymdylyq bólimine kirip, odan „Halyq“ qaıyrymdylyq qorynyń rekvızıtine qarajat aýdara alady. 1 sáýirden beri Instagramdaǵy paraqshamyzda bul aqparatty jarııalap kelemiz. Búginge deıin azamattarymyz 12 mln teńge aýdardy. 200 teńgeden astam 200 myń teńgege deıin qarajat aýdarǵan otandastarymyz bar. Jalpy, búginge deıin „Hoým“ bank qosymshasynda 6 myńnan astam tranzaktsııa jasaldy», — dedi ol.
Jalpy, elimizdiń metsanattary 200 mlrd teńgeden astam qarajat jınady. Bul qarajat sý tasqynan zardap shekken óńirlerde úıler, mektepter, balabaqshalar, joldar salýǵa jumsalady.
«Qazaqstan halqyna» qory men basqa da qorlardan 15 mlrd teńge qarajat tústi.
Munan bólek, Qarjy mınıstrliginiń málimetinshe, Úkimet rezervinde taǵy 55 mlrd qarajat bar.
Qarajattyń barlyǵy sý tasqyny saldaryn joıýǵa jumsalady.
Jınalǵan qarajatttyń ár tıynyń maqsatqa saı jumsalýyn jemqorlyqqa qarsy qyzmet jiti baqylaýynda ustaıdy.
