20 jyldyq kezdesýde synyptastar kópbalaly anaǵa úı syılady
NUR-SULTAN. QazAqparat - Túrkistan oblysy Báıdibek aýdany Shaqpaq aýylyndaǵy kópbalaly Aqbala Ómirzaqovanyń januıasy baspanaly boldy, dep habarlaıdy QazAqparat.
Páterden páterge kóship, jaldamaly úıde 4 balany asyrap, ómir súrip kele jatqan otbasyǵa synyptastary - 1999 jyly mektepti bitirgen túlekter Shaqpaq aýylynan 3 bólmeli páter kiltin tartý etip, 20 jyldyq kezdesýlerinde saýapty is jasady.
Sonymen qatar, ózderiniń synyptastary Aqbala Ómirzaqovanyń úıine kórimdik retinde turǵyn úıge qajetti turmystyq jıhazdar alyp berip, azyq-túlikpen qamtamasyz etip, kómek kórsetti.
Baspanaǵa ıe bolǵan kópbalaly otbasy Aqbala Ómirzaqova synyptastaryna alǵysyn bildirip, rızashylyǵyn jetkizdi. Aıta keterlik jaıt, Aqbala Ómirzaqovanyń joldasy erte qaıtys bolǵan. Tórt balasy bar. Úlkeni 8-synypta, kishisi daıyndyqta oqıdy. 
